Наданне статусу гісторыка-культурнай каштоўнасці элементам нематэрыяльнай культурнай спадчыны ў 2022 годзе

29.12.2022 На пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны прынята рашэнне аб неабходнасці надання статусу гісторыка-культурнай каштоўнасці двум элементам нематэрыяльнай культурнай спадчыны. 

Традыцыю бытавання народнага лялечнага тэатра "Мірская батлейка" у Карэліцкім раёне Гродзенскай вобласці прадставіў Петрыман Канстанцін Леанардавіч, даследчык і захавальнік адметнай местачковай традыцыі. Экпертамі выступілі Валодзіна Таццяна Васільеўна, загадчык аддзела фалькларыстыкі і культуры славянскіх народаў Цэнтра даследаванняў беларускай культуры, мовы і літаратуры НАН Беларусі, доктар філалагічных навук і вядомы этнограф Аляксандр Уладзіміравіч Лось. Падтрымаць прапанову прыехала таксама прадстаўнік мясцовай улады Маісеенака Нэлі Аляксандраўна, начальнік аддзела ідэалагічнай работы, культуры і па справах моладзі Карэліцкага райвыканкама.

У прэзентацыі элемента НКС "Традыцыйныя вобразы і тэхналогія вырабу гліняных народных цацак-свістулек Магілёўскага Падняпроўя" прыняла ўдзел вялікая творчая дэлегацыя з Крычаўскага раёна і г. Магілёва:
народныя майстры Якавенка Вячаслаў Мікалаевіч і Яшчанка Любоў Міхайлаўна, прадстаўнік Магілёўскага метадычнага цэнтранароднай творчасці і культурна-асветнай работы Шчэрбіч Аніта Вадзімаўна, узорны ансамбль народнай песні "Вашчылкі" Дзіцячай школы мастацтваў г. Крычава (кіраўнік Лямаева Святлана Мікалаеўна) і прадстаўнік раённага цэнтра культуры ЦКС Крычаўскага раёна Ткачова Рыма Вячаславаўна. Экспертам па народных рамёствах быў запрошаны старшыня Беларускага саюза майстроў народнай творчасці, доктар мастацтвазнаўства Сахута Яўген Міхайлавіч

12.08.2022 На пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны прынята рашэнне аб неабходнасці надання статусу гісторыка-культурнай каштоўнасці традыцыі вырабу прыпяцкага чоўна ў вёсцы Перароў Жыткавіцкага раёна Гомельскай вобласці. Прапанову ў Міністэрстве культуры прадставілі: Бяспалы Андрэй Аляксандравіч, начальнік навуковага аддзела ДУ «Нацыянальны парк “Прыпяцкі”»; Сахута Яўген Міхайлавіч, доктар мастацтвазнаўства, вядучы навуковы супрацоўнік ДНУ «Цэнтр даследаванняў беларускай культуры, мовы і літаратуры НАН Беларусі», старшыня Беларускага саюза майстроў народнай творчасці; Швец Леанід Іванавіч, майстар з вёскі Перароў Жыткавіцкага раёна Гомельскай вобласці; Гамзовіч Рэгіна Станіславаўна, грамадскі эксперт па ахове нематэрыяльнай культурнай спадчыны; супрацоўнікі Гомельскага абласнога цэнтра народнай творчасці Ганькіна Марыя Валер'еўна і Кірбай Аліна Дзмітрыеўна.

Фільм, прысвечаны майстру з Перарова, быў зняты ў тэлепраекце «Спадчына»

Пастановай Міністэрства культуры Рэспублікі Беларусь ад 19.08.2022 № 73  нададзены статус гісторыка-культурнай каштоўнасці нематэрыяльнаму праяўленню творчасці чалавека «Традыцыя вырабу прыпяцкага чоўна» ў в.Перароў Жыткавіцкага раёна Гомельскай вобласці

13.07.2022 Беларуская рэспубліканская навукова-метадычная рада па пытаннях гісторыка-культурнай спадчыны прыняла рашэнне аб неабходнасці надання статусу гісторыка-культурнай каштоўнасці традыцыйнай каляднай батлейцы  «Віцебскі жлоб», якая спалучае элементы лялечнага тэатра і тэатра ценяў, адноўлена і дзейнічае сёння ў гарадах Віцебску і Наваполацку. Батлейку ў Міністэрстве культуры прадставіў Рэцікаў Андрэй Міхайлавіч, кіраўнік народнага тэатра лялек  «КапялюШ» Цэнтра рамёстваў і традыцыйнай кульуры ДУК  «Цэнтр культуры г. Наваполацка», які многа год прысвяціў даследаванню, аднаўленню і далучэнню дзяцей і дарослых да традыцыі беларускіх батлеечных спектакляў.

Беларускі тэатр ценяў. Як на Віцебшчыне аднаўляюць традыцыі на радасць дарослым і дзецям (Культура, № 30 (1573) 23.07.2022 - 29.07.2022 г.)

Пастановай Міністэрства культуры Рэспублікі Беларусь ад 20.07.2022 № 58 нададзены статус гісторыка-культурнай каштоўнасці нематэрыяльнаму праяўленню творчасці чалавека «Традыцыйная калядная батлейка "Віцебскі жлоб"» у г. Віцебску і г. Наваполацку Віцебскай вобласці.