Народныя традыцыі ў навуковым асвятленніУ серыі “Фальклорныя скарбы Беларусі” ад выдавецтва “Беларуская навука” выйшла кніга беларускіх замоваў з пераказам на рускую і перакладам на англійскую мову “Вадзіца-царыца, усяму свету памачніца”. У выданні прадстаўлены тэксты замоў - аднаго з традыцыйных жанраў вуснай народнай творчасці беларусаў. Укладальнік - вядомы навукаўца-даследчык, доктар філалагічных навук Таццяна Васільеўна Валодзіна.
Выданне ілюстравана выцінанкамі беларускіх майстроў.
Прэзентацыя кніжнай серыі адбудзецца ў Цэнтральнай навуковай бібліятэцы імя Якуба Коласа Нацыянальнай акадэміі навук Беларусі 20 лютага ў 16.00.
Падчас яе правядзення прагучаць традыцыйныя спевы рэгіёнаў Беларусі ў выкананні гурта "Стажары" (г. Мінск) і будзе працаваць выстава беларускай выцінанкі.
 Форум для отзывов 11 не существует. |
|
