"Тры каралі" калядуюць па Гродзеншчыне

6 студзеня каталікі Беларусі адзначаюць свята «Тры каралі» ў гонар мудрацоў Каспара, Мельхіёра і Бальтазара, якія прынеслі дары немаўляці Ісусу. Свята ўяўляе сабой традыцыйны абыход двароў з віншаваннямі гаспадароў і спевам калядных песень.

 

Да канца ХХ ст. гэта праява каталіцкай каляднай абраднасці амаль спыніла сваё жывое бытаванне, але захоўвалася ў памяці многіх жыхароў старэйшага ўзросту і шматлікіх этнаграфічных даследаваннях рэгіёну. Паступова святочная традыцыя была адноўлена на тэрыторыі Гродзенскай вобласці, а ў 2024 г. атрымала статус нематэрыяльнай гісторыка-культурнай каштоўнасці, матэрыялы фіксацыі і мастацкай ацэнкі якой змешчаны ў Інвентары НКС.

6 студзеня 2026 г. ужо традыцыйна "Тры Каралі" пройдуць у розных населеных пунктах Лідскага, Шчучынскага, Воранаўскага і Іўеўскага раёна: 

Ваверка (Лідскі раён),

Васілішкі (Шчучынскі раён),

Ліпнішкі і Трабы (Іўеўскі раён),

Больцішкі (Воранаўскі раён).

Жыхары Гродзенскай вобласці запрашаюць усіх зацікаўленых далучыцца да правядзення святочнага калядавання!

Паводле ДУК "Гродзенскі абласны метадычны цэнтр народнай творчасці"