Свята ткацтва на Мастоўшчыне

25 ліпеня пройдзе сапраўднае свята ткацтва  — «Гудзевіцкі тэкстыльны фэст»!  

У аграгарадку Гудзевічы Мастоўскага раёна Гродзенскай вобласці захоўваецца нематэрыяльная культурная каштоўнасць — «Традыцыйная тэхналогія ткацтва падвойных дываноў», якая ўнесена ў Дзяржаўны спіс гісторыка-культурнай спадчыны Рэспублікі Беларусь. Інфармацыйныя матэрыялы пра адметную ткацкую тэхналогію Мастоўшчыны  можна  паглядзець у Інвентары нематэрыяльнай культурнай спадчыны. 

На фестывалі будзе магчымасць пагрузіцца ў атмасферу традыцыйнага ткацтва: даведацца пра стварэнне падвойных дываноў, атрымаць урокі ткацтва за старадаўнімі кроснамі і нават выткаць за імі невялікую палоску тканіны або паспрабаваць сплесці з нітак традыцыйны народны пояс.

Падчас фэсту можна пазнаёміцца з паўсядзённым і святочным адзеннем нашых продкаў з традыцыйным «мастоўскім ладам».

Дапоўняць атмасферу свята інтэрактыўныя праграмы з конкурсамі, канцэрты калектываў аматарскай творчасці, а таксама танцавальныя праграмы.

Дадатковую інфармацыю можна атрымаць па тэл.: +375 1515 39313; +375 1515 62045

Паводле  ДУК «Гродзенскі абласны метадычны цэнтр народнай творчасці», ДУ «Мастоўскі раённы цэнтр культуры»