Па традыцыі “З нагі ў нагу”

У агарагарадку Вялікія Азёркі штогод у пачатку лета ладзіцца свята “Па сцежках спадчыны”, прысвечанае захаванню адметнай формы традыцыйнага побытавага танца – кадрылі. Сёлета яно адбылося 7 чэрвеня.

На тэрыторыі сучаснай Гродзеншчыны ў многіх раёнах "выяўляюць ® захоўваюць ® практыкуюць ® танчаць” свае адметныя мясцовыя варыянты шматкаленнай кадрылі.

Пра прадстаўнічасць кадрыльнай традыцыі ў гэтым рэгіёне сведчыць і праграмма свята:

v  “Котчынская кадрыля” ў выкананні дзіцячай фальклорнай групы “Крынічка”;

v “Місцішчынская кадрыля” ў выкананні народнага ансамбля песні і танца “Свіцязь” Навагрудскага раённага цэнтра культуры;

v  “Дэмбраўская кадрыля” ў выкананні ўзорнага фальклорнага калектыву “Скарбоначка” аддзела культуры і адпачынку “Дэмбраўскі сельскі дом фальклору”;

v  “Грабаўская кадрыля” ў выкананні ўзорнага танцавальнага ансамбля “Зальвяначка”.

“Котчынская кадрыля” і “Дэмбраўская кадрыля”, матэрыялы пра якія размешчаны ў Інвенары нематэрыяльнай культурнай спадчыны, маюць статус гісторыка-культурнай каштоўнасці і ўнесены ў адпаведны Дзяржаўны спіс.

Таксама прайшоў майстр-клас па кадрылям “Танцуй, як нашы продкі” і сучасны варыянт кадрылі сяброўства «Танцуюць усе!».

Сёлета на Мастоўшчыну завіталі шматлікія творчыя танцавальныя калектывы-госці з Навагрудка, Шчучына, Зэльвы і нават Мінска, “каб паказаць сваё і павучыцца іншым танцам”.

Інфармацыйны матэрыял і фота  газеты Мастоўскага раёна «Зара над Нёманам»