Святочная падзея

29 снежня 2025 г. у Нацыянальнай бібліятэцы прайшло ўрачыстае мерапрыемства, прысвечанае прызнанню Неглюбскай тэкстыльнай традыцыі Веткаўскага раёна Гомельскай вобласці часткай сусветнай нематэрыяльнай культурнай спадчыны. Арганізатарамі ўрачыстасці выступілі Міністэрства культуры Рэспублікі Беларусь, Міністэрства замежных спраў Рэспублікі Беларусь і Нацыянальная бібліятэка Беларусі.

Падчас святочнай цырымоніі Міністр культуры Рэспублікі Беларусь Руслан Іосіфавіч Чарнецкі ўручыў Сертыфікаты аб уключэнні Неглюбскага ткацтва ў Спіс нематэрыяльнай культурнай спадчыны ЮНЕСКА, якое адбылося 9 снежня 2025 г. падчас 20-й сесіі Міжурадавага камітэта па ахове нематэрыяльнай культурнай спадчыны (ЮНЕСКА), дырэктару Гомельскага абласнога цэнтра народнай творчасці Наталлі Дзмітрыеўне Сафрановіч і майстру Неглюбскага цэнтра ткацтва Людміле Васільеўне Кавалёвай.

Рэпартажы і публікацыі пра падзею змешчаны на рэсурсах Міністэрства культуры Рэспублікі Беларусь, БелТА, выдання “Культура і мастацтва”, установы "Гомельскі абласны цэнтрнароднай творчасці".

Фота "Банк звестак аб гісторыка-культурнай спадчыне Рэспублікі Беларусь", выдання “Культура і мастацтва”, установы "Гомельскі абласны цэнтр народнай творчасці".