Аддзел рамёстваў і традыцыйнай культуры Лідскага РЦКіНТ штогод ладзіць выставы і творчыя сустрэчы, прысвечаныя старадаўняму ткацкаму майстэрству, разнастайныя праявы якога да сённяшняга натхняюць майстроў на Гродзеншчыне. Кожны год «Свята ткацтва» прапануе новы фармат для сустрэчы зацікаўленых людзей. Мінулы раз у цэнтры ўвагі былі складнікі і адметнасці рамяства, а сёлета – сустрэча майстроў з розных раёнаў Гродзенскай вобласці, якая адбылася 6 кастрычніка.

Полацкі фальклорны гурт “Варган” прэзентуе дэбютны альбом з музыкай роднай зямлі. У альбом увайшлі песні і інструментальныя кампазіцыі, якія некалі гучалі на тэрыторыі Полаччыны на працягу гадавога каляндарнага кола. Кружэлка прызначана для аматараў этнічнай музыкі і беларускага фальклору.

 

Чарговы выпуск праграмы «ЖЫВАЯ КУЛЬТУРА» на тэлеканале «Беларусь 3» прысвечаны самабытнаму танцу з Бярозаўскага раёна пад назвай «Полька Спораўская». Праграма выйшла ў суботу 15 верасня  і ў нядзелю 16 верасня. Адметнаму парна-гуртавому танцу, які здаўна танцуюць у вёсцы Спорава Бярозаўскага раёна Брэсцкай вобласці, у 2016 годзе быў нададзены статус гісторыка-культурнай каштоўнасці. Цікаваму рамяству майстроў з Бярозаўскага раёна была прысвечана перадача «ЖЫВАЯ КУЛЬТУРА. Традыцыя вырабу шчэпавай птушкі-абярэга» 22 і 23 верасня. Адметнае майстэрства з 2016 года таксама мае статус гісторыка-культурнай каштоўнасці. 

Адкрыццё выставы «Падвойныя дываны з калекцыі Музея земляробства ім. кс. Кш. Клюка з г. Цехановец» адбудзецца 12 верасня ў 13.00 на тэрыторыі Беларускага дзяржаўнага музея народнай архітэктуры і побыту. Цеханавецкі музей, што знаходзіцца ў Падляшскім ваяводства Рэспублікі Польшча захоўвае ў сваіх зборах раскошныя ўзоры падвойнага ткацтва. Двухкаляровыя шарсцяныя дываны з арнаментам ХIХ-ХХ ст. былі неад’ёмнай часткай культуры жыхароў мястэчак і вёсак польска-беларускага памежжа.