Народ багаты на розныя святы

У выставачнай зале Гомельскага абласнога цэнтра народнай творчасці 12 лютага адбылося адкрыццё выставы «Народ багаты на розныя святы…».

Выстава прадстаўляе сумесны праект народнага майстра Рэспублікі Беларусь, лаўрэата прэміі Прэзідэнта Рэспублікі Беларусь «За духоўнае адраджэнне» Віктара Шыпкова і майстроў Цэнтра рамёстваў Гомельскага раёна.

Удзельнікаў сумеснага праекта звязвае шматгадовае сяброўства, цікавасць да этнаграфіі і гісторыі роднага краю, натхнёная праца па адраджэнню традыцыйных народных строяў і старажытных тэхнік дэкаратыўна-прыкладнога мастацтва.

Мэты і задачы выставы не прадугледжваюць магчымасць паўдзельнічаць у традыцыйных для вёсак Гомельскага раёна абрадавых дзеях «Звязда», «Гуканне вясны», «Ваджэнне Сулы». Аднак можна пагрузіцца ў прастору народных святаў, дзякуючы прадстаўленым на выставе прадметам традыцыйнага тэкстылю і старажытнага побыту, святочнай атрыбутыцы, а таксама традыцыйнаму жаночаму, мужчынскаму і дзіцячаму адзенню.

Асобнай увагі да сябе заслугоўваюць паясы, вырабленыя ў тэхніцы «пляцення на кругавой аснове» («Спрэнг»), якая з’яўляецца старажытнай тэкстыльнай тэхналогіяй.

Невялікію экскурсію па экспазіцыі ад Віктара Шыпкова можна паглядзець і паслухаць у сацсетках радыёканала «Культура».

Выстава будзе працаваць да 14 сакавіка.

Паводле інфармацыйных матэрыялаў установы «Гомельскі абласны цэнтр народнай творчасці».